Reagim i Unionit të Imamëve Shqiptarë të Zvicrës lidhur me situatën e fundit në BFI të RM

Fillimisht ne shprehim keqardhje për gjendjen ekrijuar në institucionin më të lartë

fetar në Republikën e Maqedonisë i cili paraqet ombrellë për të gjithë muslimanët. Po ashtu ne si imamë që veprojmë në diasporë në vende me traditë të gjatë dhe të konsoliduar demokratike, duke u nisur nga parimet islame dhe nga parimet demokratike, jemi kundër dhunës dhe përdorimit të dhunës dhe forcës për të uzurpuar institucione.

Nisur nga kjo, ne u bëjmë thirrje të gjitha palëve t’i kthehen dialogut dhe akteve normative të BFI-së si rrugë e vetme fatlume dhe e sigurt për zgjidhjen e problemeve. As dhuna dhe as injorimi i zërit të imamëve nuk është tipar i institucioneve dhe personaliteteve fetare dhe mënyrë e realizimit të qëllimeve dhe aspiratave në shoqëritë demokratike dhe shoqëritë moderne ku sundon ligji dhe ku funksionon shteti i së drejtës, por drejtësia, dialogu, rruga institucionale dhe respektimi i ndërsjellë është rruga e vetme e realizimit të qëllimeve dhe e të drejtave në shoqëritë bashkëkohore nga të gjithë individët, në veçanti nga teologët dhe intelektualët e profileve tjera.

Edhe njëherë ritheksojmë se ne si Union i Imamëve Shqiptarë të Zvicrës i njohim dhe i respektojmë organet legjitime të BFI-së dhe vendimet e tyre të dala nga Rijaseti i BFI-së.