Shënohet Pavarësia e Kosovës në xhaminë e Wetzikonit
Me rastin e 17 Shkurtit, dita e pavarësisë së Kosovës, Xhamia e Wetzikonit bëni shënimin e kësaj date të rëndësishme në lokalet e xhamisë. Marrë parasysh se dita e 17 Shkurtit është ditë pune për bashkatdhetarët tanë në Zvicër, Xhamia e Wetzikonit e bëri shënimin e kësaj date me 15 Shkurt, dita e Diel.
Kjo datë u shënua me një tribunë me titull: ”ROLI I IMAMËVE NË LUFTËN ÇLIRIMTARE TË KOSOVËS, DHE AGRESIONI MBI OBJEKTET ISLAME” ku ligjëroi imami i nderuar Fahredin Bunjaku- imam i xhamisë së Schwamendingen-it, e u moderua nga imami i Xhamisë së Wetzikonit, Dr. Bashkim Aliu.
Fahredin ef. Bunjaku bëri një elaborim të shkëlqyer të temës në fjalë, duke e vënë theksin në kontributin që kanë dhënë hoxhallarët për çështjen kombëtare, me theks të veçantë, gjatë luftërave çlirimtare të popullit tonë, në të gjitha trojet e veta etnike, që prej kohëve më të hershme, e deri në luftërat e fundit në shekullin XX dhe XXI.
Më pas, për të pranishmit u shtria edhe një koktel rasti në kafeterinë e xhamisë.
Në emër tim, të kryesisë dhe të xhematit të xhamisë, e falënderoj imamin e nderuar për ligjëratën e elaboruar në mënyrë profesionale, si dhe pjesmarrësit për prezencën e tyre në tribunë. Po ashtu, e falënderoj edhe vëllaun Nusretin për ilahitë e bukura që i interpretoi për xhematin.
Xhemati doli jashtëzakonisht i kënaqur, duke shprehur mirënjohje për ligjëruesin, organizatorët, dhe duke shprehur dëshirë që tema të këtilla që e prekin identitetin tonë fetar dhe kombëtar, të trajtohen sa më shpesh.
Allahu i shpërbëleftë të gjithë.
Bashkim Aliu