Tryezë e rrumbullakët në Gjenevë

Tryezë e rrumbullakët në Gjenevë

Kryetari i Unionit të Imamëve Shqiptarë në Zvicër, Mr. Rejhan ef. Neziri, i shoqëruar nga nënkryetari Mr. Nehat ef. Ismaili dhe Rijad ef. Aliu morën pjesë në tryezën e rrumbullakët me temë “Përfaqësimi i myslimanëve të Zvicrës”, të organizuar nga Universiteti Popullor Shqiptar (UPSH) në Gjenevë dhe nga portali shqiptar Albinfo.ch. Në këtë takim si pjesë e publikut morën pjesë ndër të tjerë edhe disa xhematlinj me kryesinë e xhamisë shqiptare në Gjenevë. Atje më konkretisht u fol për pikat në vijim:

–       Kush janë muslimanët e Zvicrës?

–       Kush janë bashkëbiseduesit të cilët flasin në emër të muslimanëve të Zvicrës?

–       Cilat janë problemet e përfaqësimit që mundemi t’i shtrojmë?

–       Cili është komunikimi i instancave fetare që i përfaqësojnë muslimanët e Zvicrës si dhe xhamitë shqiptare, boshnjake dhe turke?

–       Si të përmirësohet vizibiliteti i Islamit evropian në Zvicër?

Bisedues në këtë tryezë ishin:

–       Christophe Monnot, përgjegjës hulumtimesh, Observatori i Feve në Zvicër, Universiteti i Lozanës

–       Rejhan Neziri, kryetar i Unionit të Imamëve Shqiptarë në Zvicër, Kreuzlingen

–       David Gün, anëtar themelues i Qendrës Kulturore Turke në Moudon (VD) dhe Këshilltar Komunal

–       Raphael Pomey, gazetar, “Le Matin”

Moderues ishin:

–       Albana Krasniqi, Koordinatore e UPSH

–       Bashkim Iseni, Drejtor i platformës albinfo.ch