Përkitazi me zekatin e qirasë së paluajtshmërive

VENDIME TË SESIONIT TË NJËMBËDHJETË TË Akademisë së Fikhut Islam, pranë Ligës së Botës Islame, I MBAJTUR PREJ DITËS SË DIEL13 REXHEB DERI NË DITËN E DIEL 20 REXHEB1409H/ 19-26SHKURT 1989

 

 

 

 

VENDIMI I PARË

 

PËRKITAZI ME ZEKATIN E QIRASË SË PALUAJTSHMËRIVE

 

 

I tërë falënderimi i sinqertë i takon vetëm Allahut Nji, përshëndetjet, paqa dhe shpëtimi qofshin mbi atë pas të cilit nuk ka të dërguar tjetër, zotëriun dhe të dërguarin tone Muhammedin, familjen dhe shokët e tij.

 

Këshilli i Akademisë së Fikhut Islam pranë Ligës së Botës Islame, në seancën e tij të njëmbëdhjetë, të mbajtur në Meke El-Mukerreme prej ditës së Diel 13 Rexheb 1409h që përputhet me datën 19 Shkurt 1989 të kalendarit Gregorian deri në ditën e diel 20 Rexheb 1409 që përputhet me datën 26 Shkurt 1989 të kalendarit Gregorian, e shqyrtoi çështjen e zekatit të qirasë së paluajtshmërive. Pas debatit dhe ndrrimit të mendimeve përkitazi me çështjen në fjalë, vendosi me shumicë si vijon:

 

I – Paluajtshmëria e destinuar për banim, konsiderohet prone e njeriut për të cilën nuk obligohet zekati, as për vetë paluajtshmërinë dhe as për vlerën e qirasë së saj.

 

II – Paluajtshmëria e destinuar për tregti, trajtohet si mall tregtie ashtu që obligohet të jepet zekat për këtë paluajtshmëri duke e vlerësuar vlerën e saj kur të kalojë afati prej një viti.

 

III – Paluajtshmëria e destinuar për t’u dhënë me qera, zekati obligohet vetëm për qiranë, e jo edhe për paluajtshmërinë.

 

IV – Marrë parasyshë se qeraja është obligim material i shfyrtëzuesit të paluajtshmërisë ndaj pronarit që e jep atë me qera prej momentit të aktit të qerasë, obligohet të jepet zekati i qerasë, kur të mbushet një vit nga momenti i lidhjes së kontratës së qerasë, pas marrjes së qerasë.

 

V – Sasia e zekatit të paluajtshmërisë, nëse është e destinuar për tregti, dhe sasia e fitimit të realizohet prej paluajtshmërisë, nëse është e destinuar për qera, është 2,5% konform sasisë së zekatit të monedhave.

 

Bekimi i Allahut dhe paqa e përshëndetjet e shumta qofshin mbi zotëriun tonë Muhammedin, familjen dhe shokët e Tij.

Falënderimi i plotë i takon vetëm Allahut, Zotit të botëve.

 

 

Nënshkruar nga:

 

KRYETARI I KËSHILLIT TË AKADEMISË SË FIKHUT

Abdu-l-Aziz Abdullah ibën Baz

 

ZAVENDËSKRYETARI

Dr.Abdullah Omer Nesif.

 

SEKRETARI I KËSHILLIT TË AKADEMISË SË FIKHUT ISLAM

Dr.Talal Omer BaFekih.

 

Pasojnë nënshkrimet e  anëtarëve tjerë:

Muhammed ibën Xhubejr, Abdullah Abdurrahman El-Bessam, Salih ibën Feuzan ibën Abdullah El-Feuzan , Muhammed ibën Abdullah ibën Sebil, Mustafa Ahmed Ez-Zerka, Muhammed Reshid Kabbani, Muhammed Esh-Shadhli, Ebu Bekër Mahmud Xhumi, Dr.Ahmed Fehmij Ebu Sunne (mendoj se nuk është kusht të kaloj një vit duke e bërë analogji qeranë e paluajtshmërisë me mineralet. Ky qëndrim është edhe mendim I Ahmedit, sipas një transmentimi prej tij), Muhammed El-Habib ibën El-Huxha, Dr.Bekër Ebu Zejd ( llogaritja e vitit bëhet prej kur merret qeraja), Muhammed ibën Salim ibën Abdu-l-Vedud (unë mendoj se llogaritja e vitit fillon prej kur merret qeraja), Dr.Jusuf El-Kardavi (nuk pajtohem me pikën katër dhe pesë).[1]